گویلوم ایستر سنیلن عالم بالایه گلم
توتام او اللرینی عرش معلایه گلم
هوسیم وار دولاناک روضه ی رضوانی بیله
دیزین اوستونده باشوم جنت رویایه گلم
قوجاقا آل منی تلواسه دن آرامشه سال
بوعبادتدی اوزی یوخ کی مصلایه گلم
کوسموشم آما داهاسندن وباروشمویانام
اوندا نابوسه وئرن بلکه مگر رایه گلم
کیم دییب دیر گله بیلمم قوجایام
ایگید اولام چاقوران طور تجلایه گلم
من سنین قاشلارینی گوردوم وخطاط اولدوم
هنر استادی سنن اذن آلام امضایه گلم
بو گزللیک لر آقا، الیاسی شاعرائله دی
اوخویا شعرینی منده اونا ماوایه گلم