بیر گون اولور هی گزیب آختارای وتاپمای منی
اوندا داها طعنه وروب انجیتیب آتمای منی
هی ایسته دیم سلام وئرم گلم سنه باش وورام
گوردوم آقا سن اوزویه هئچ داها قاتمای منی
بیر گون اولور حسرت اولور سنه سسیم ائشیدماق
اوندا داها خار و خس و دو شمانا ساتمای منی
سالای یادا گئشدیکلری عین که بیر فیلم کیمین
خلقین آراسینده داها سولوب سارالتمای منی
استاد لارو دکترلر ایچره من دئدیم دانوشدوم
لکنته سالمانای داها ووروب قارالتمای منی
من سنی ایسته دیم اوجالتوب آپارام یوخاری
سن ایسته دین من آزالام داها آزالتمای منی
الیاسا باخ گور نیجه صبری چوخدی طاقتلی دیر
دوشوب گئدیب چاه غمه گلیب چیخارتمای منی